Voltooi die vorm om 'n boodskap te stuur.
Sportuitnemendheid
Ons streef daarna om harmonie tussen akademiese, kulturele, omgewings- en sportaktiwiteite te weerspieël. In hierdie verband poog Worcester Gimnasium om op die voorpunt te bly.
Met ‘n verskeidenheid sportsoorte om van te kies, is daar ‘n plek vir elke leerder, ongeag hul graad van kundigheid, belangstelling of doelwitte.
Sport kweek selfvertroue, leer samehorigheid en verskaf ‘n gemeenskaplike doel wat ‘n gevoel van eenheid en gemeenskap skep.
Deur sport leer Gimmies hoe om te wen en te verloor. Dit skep geleenthede vir hulle om te leer lei, om gedrewe te wees en om as deel van ‘n span met ‘n verskeidenheid persoonlikhede saam te werk.
Sport is van kritieke belang vir die emosionele, sosiale en fisiese ontwikkeling van ons leerders en alle leerders word aangemoedig om aan beide ‘n winter- en somersport deel te neem.

